मराठी साहित्य « मराठी कविता

Archive for the ‘मराठी साहित्य’ Category

फेब्रुवारी 24, 2008

जीवन…….
एक अग्नीकुंड-
भकभकतं ।
त्यातील ज्वाळा…..
पहातात सगळ्यांना
गिळायची वाट ।

असतात संबधी अडचणीच्या.
असलेल्या प्रत्येकास,
टाकाव्या लागतात समिधा तिच्यात
इच्छेच्या, अकांक्षेच्या, स्वप्नांच्या !

आणि समिधाच संपल्या तर…..?
स्वत:च बनून समिधा…..
घ्यावी लागते उडी-
त्या नरभक्षक अग्नीकुंडात ।

जीवन…..
एक अग्नीकुंड-
ज्याने जळतही नाही पुर्ण!
तसच पोळलेलं, लक्तरलेलं शरीर घेऊन,
जळत-जळत जगावं लागतं….
मरेपर्यंत ।

- © प्रशेन ह. क्यावल
http://prashengazal.blogspot.com

फेब्रुवारी 24, 2008

छोट्या छोट्या माण‍सांची
छोटी छोटी मुंबई ।

मोठ्या मोठ्या मुंबईतील,
मोठी मोठी घरे ।

मोठ्या मोठ्या घरातील,
छोटी छोटी गाळे ।

छोट्या छोट्‍या गाळ्यातील,
छोटी छोटी माणसे ।

छोट्या छोट्या माणसांचे,
छोटे छोटे जीवन ।

छोट्या छोट्या जीवनातील,
रोजरोजचं मरण ।

छोट्या छोट्या माणसांचे,
छोटे छोटे मरण ।

छोट्याशाच स्मशानात,
छोटे जळते सरण।